Vastelaovend 2021 door Heidi van Pinxteren

Publicatiedatum: 11-02-2021

't ganse jaor naor uutgekeke
't zuj dan toch wel oaver zien?
Mar wat now wel is gebleke,
We zitte d'r nog midde ien.

Nao de vakansies, kermisse, kerst en neejjaor
Is 't volgende fieëst an de buurt
Alwer iets wat nie dur kan gaon
Zeas t normaal gespraoke huurt.

Want wie het d'r oeëits beej stilgestaon
Dat ok ozze Vastelaovend nie dur zuj gaon?
Hadde dat vurrig jaor roond gekwakt
Dan han de meense ow vur durpsgek uutgemakt!

Verdwene zien de bals, de wages en de neeje prinse
't seizoen begos ze stil
En vur hieël veul meense
Vuult dizzen tied verschrikkelijk kil.

Andere meense deenke duk: t gut um t zuupe,
Mar Vastelaovend is zeveul mieër
Al motte soms naor huus toe kruupe
T dreijt vural um verbondenheid en plezier!

Same zinge, same danse,
Same buëeke op t end
Mit familie en mit vriende
Of mit meense die ge gar nie kent

Vastelaovend vierde same
Nee, dan is d'r niemand allieën
Dit jaor is alles anders
En ach, dat geldt vur iederiëen.

Mar binne ien ow hartje
Daor zit en vunkske dat zachtjes leujt
Dus vier dit jaor toch Vastelaovend
En zurg dat de saamhorigheid greuijt.

Want we zien d'r nog en we duun t same
Anders, mar vur now nie verkiëerd
Zurg goed vur ow Vastelaovesvlemke
As ge thuus, same alliëen of online viert.

Volgend jaor is alles hoapelijk wat beater
En alles ze normaal as kan zien
Now viere we op anderhalve meter
Want ja, we zitte d'r nog midde ien.

't latste woord is vur ow Corona
Akelig rotvirus dat ge bint
As ge mar goed wet dat ien os bronsgruun eikehout
'T roëej geal gruune Vastelaovesvirus altied wint!

❤💛💚

Overige berichten

- Jaarlijkse Bingomiddag Zonnebloem Well-Wellerlooi
- Presentatie Archief Well: Wellse winkeliers en ondernemers
- Hommage aan de bomen.
- Nieuwe locatie kermis Well
- Herdenkingsdienst goed bezocht
- Column Pierre Linssen: Voortgang Rotonde Well
- Herdenkingsdienst Wellse oorlogsslachtoffers
- Ontmoetingspunt Well: Ennen hieële del kèèls uut Well
- Sjaak en Jan uitgeroepen als KBO prins en adjudant
- Nieuws vanuit commissie Kermis Well
- Plannen voor woningbouw in Well
- Werkzaamheden rotonde Well iets vertraagd
- Filmmiddag in de Buun
- Iédereen direct informatie bij een noodsituatie: ook aan de grens
- Koffiemiddag Zonnebloem